Toshkent shahridagi “Ishga marhamat” monomarkazida Rossiyaning yirik kompaniyalaridan biri – “MR Group” rahbariyati bilan muzokaralar o‘tkazildi.  

“MR Group” kompaniyasi vakillari Rossiyada yirik qurilish loyihalarini amalga oshirishda O‘zbekiston fuqarolarini jalb qilish niyatida ekanligini bildirdi.

Mazkur loyihalarda bosh pudratchi qilib “Koc Stroy” korxonasi tanlanganligi va 4 mingdan ziyod o‘zbekistonlik ishchilar jalb qilinishi ma’lum qilindi.  

Shuningdek, uchrashuvda bosh pudratchi korxona vakillari ham ishtirok etib, O‘zbekistondagi monomarkazlarda qurilish sohasida malakali kadrlarni tayyorlashga o‘z hissasini qo‘shib, keyinchalik ushbu kadrlarni qurilish ishlariga jalb qilishga kelishib oldi.