IELTS sertifikati bor pedagoglarga 20 foiz ustama, korrupsiya haqida tezkor xabar beruvchi «Call-markaz», Tibbiyot tashkilotlarini ixtiyoriy akkreditatsiyadan o‘tkazish mexanizmi, istalgan hududdan ID-karta olish va boshqa o‘zgarishlar. 1-yanvardan nimalar o‘zgaradi?

Oyina.uz 2022-yil 1-yanvardan qonunchilikda qanday o‘zgarishlar amalga oshirishini sanab o‘tadi.

Pensiya va nafaqalar naqd pul shaklda mahalla fuqarolar yig‘inlariga, fuqarolarning yashash manzillariga yetkazib beriladi.

Yuridik shaxslar tomonidan ko‘chmas mulkni ijaraga berish yoki tekin foydalanish shartnomalari davlat soliq xizmati organlarida hisobga qo‘yiladi.

Pedagog kadrlarga qog‘oz shaklidagi attestatsiyadan o‘tganlik to‘g‘risidagi sertifikat berish amaliyoti bekor qilinib, elektron shakldagi sertifikat berish tartibi joriy etiladi.

Tibbiyot tashkilotlarini ixtiyoriy akkreditatsiyadan o‘tkazish mexanizmi joriy etiladi.

Har yili yetishtiriladigan pilla (ho‘l pilla) hosilining bir kilogrammi uchun 5 ming so‘m miqdorida xonadonlarda pilla yetishtiruvchi jismoniy shaxslarga subsidiya ajratiladi.

Respublikaning istalgan hududida ID-kartalarni olish va almashtirish imkoniyati yo‘lga qo‘yiladi.

IELTS sertifikatiga ega davlat boshqaruv idoralari xodimlariga lavozim maoshiga nisbatan 20 foizgacha qo‘shimcha ustama to‘lanadi.

Yuqori natija ko‘rsatilganda imtihon topshirish xarajati qoplab beriladigan xalqaro imtihon tizimlari ro‘yxati kengayadi.

Ishlab chiqaruvchi korxonalar tomonidan sotiladigan suyultirilgan gazga aksiz solig‘i olish bekor qilinadi.

Tabiiy monopoliya sub’ektlari, bozorda ustun mavqega ega bo‘lgan sub’ektlarda monopoliyaga qarshi komplaens tizimi joriy etiladi.