Tailandning Chiangmay shahrida boks boʻyicha kattalar oʻrtasida Osiyo chempionati boʻlib oʻtdi. Ushbu qitʼa birinchiligida Oʻzbekiston terma jamoasi birinchilikni qoʻlga kiritdi.

Taʼkidlash lozim, musobaqada 18 ta davlat qatnashgan boʻlib, unda Oʻzbekiston delegatsiyasi 24 nafar bokschi bilan ishtirok etgan. Jamoa yakunda umumiy hisobda 20 ta medal toʻplagan(11 ta oltin, 6 ta kumush, 3 ta bronza).

Ikkinchi oʻrinni Qozogʻiston band qilgan(jami 20 ta medal – 9 ta oltin, 5 ta kumush, 6 ta bronza).

Uchinchi oʻrinni jami 9 ta medal jamgʻargan tailandlik bokschilar egallagan(3 ta oldin, 2 ta kumush, 4 ta bronza).

Maʼlumot uchun, Oʻzbekiston boks terma jamoasi bu bellashuvlarda yangilangan yosh tarkib bilan qatnashgan boʻlib, sportchilar Qozogʻistonning Parijga borgan asosiy jamoasini ham, Ukrainaning kuchli tarkibini ham yengishga muvaffaq boʻlgan.