Qozogʻiston Respublikasi Moliya vazirligi davlat organlariga oʻz xodimlarini mukofotlash uchun mablagʻlarni ichki hisobraqamlarga oʻtkazishni taqiqlab qoʻydi.

Bu haqda mamlakat moliya vaziri Madi Takiyev maʻlum qilgan.

“Agar davlat idorasida iqtisod qilingan mablagʻlar boʻlsa, unda bu pullarni mukofot sifatida oʻtkazish mumkin emas. Ushbu pullar byudjetga qaytariladi”, – degan Takiyev.

Shu bilan birga, u davlat xizmatchilariga ichki manbalardan mukofot beriladimi degan savolga ham javob qaytargan.

“Yoʻq, mukofot boʻlmaydi. Biz pullarni mukofotga yoʻnaltirish mumkin boʻlgan 112 kodini yopdik”, – deya qoʻshimcha qilgan vazir.