OTM talabalari uchun 2024/2025-oʻquv yilidan boshlab har yili uzluksiz ravishda “Talaba – yugur” koʻngillilar yugurish musobaqalari tashkil etiladi.

Bundan koʻzlangan maqsad talaba-yoshlarni sogʻlom hayotga, doimiy sport bilan shugʻullanishga targʻib qilishdir. Musobaqalar Oliy taʼlim, fan va innovatsiyalar vazirligi, Sport vazirligi, Yengil atletika federatsiyasi, Talabalar sporti assotsiatsiyasi hamkorligida oʻtkaziladi.

Bunda bellashuv bir yilda ikki marta – “Kuzgi” (oktyabr-noyabr oylarida) hamda “Bahorgi” (mart-may oylarida) mavsumlarda boʻlib oʻtadi.

Gʻoliblar quyidagicha taqdirlanadi:

▪️ 1-oʻrin – 5 mln soʻm;

▪️ 2-oʻrin – 3 mln soʻm;

▪️ 3-oʻrin – 2 mln soʻm.

Musobaqani uyushtirish va natijalarni qayd etish jarayoni Oʻzbekiston yengil atletika Federatsiyasining “Yugur” (yugur.uz) elektron platformasi orqali amalga oshiriladi.