Oʻqituvchi va murabbiylar ishtirokida oʻtayotgan muloqotda Shavkat Mirziyoyev endilikda “Yil oʻqituvchisi” tanlovi oʻtkazilishini, gʻoliblarga esa uy-joy berilishini maʼlum qildi:

“Shaxsan men koʻpdan buyon “Ustozga ehtirom” nomli katta bir kitob yaratilib, maʼnaviy hayotimizda jiddiy voqea boʻlishini orzu qilaman.

 

Taʼkidlash kerakki, yuksak mahoratli, jonkuyar va talabchan oʻqituvchilar – bular ham xalqning, millatning noyob boyligi.

 

Ularning har biri takrorlanmas shaxs. Ularning mashaqqatli, masʼuliyatli mehnati eng yuksak baho va ragʻbatga munosib.

 

Shu bois “Yil oʻqituvchisi” tanlovi oʻtkazilib, 208 ta tuman va shahardan gʻolib boʻlgan oʻqituvchilarga Prezident sovgʻasi sifatida uy-joy beriladi”.