Futzal boʻyicha Jahon chempionati 1-turidan oʻrin olgan Ispaniya – Qozogʻiston (1:1) uchrashuvidan soʻng Qozogʻiston terma jamoasi bosh murabbiyi Rikardo Kaka Championat.asia nashriga kichik intervyu berdi.

Murabbiy oʻzbekistonlik barcha muxlislarga rahmat aytgan.

“Bugun oʻzimni xuddi uydagidek his qildim. Andijonga yetib kelgan kunimizdan beri uyda yurgandekmiz. Uchrashuvdan oldin muxlislar ”koridor“ qilib, oʻyinga kuzatib qoʻydi. Hamma bizni qoʻllab-quvvatlamoqda. Hamma yerda Oʻzbekiston va Qozogʻiston bayroqlari, bu shunchaki ajoyib. Barcha bizga gʻalaba tilamoqda. Bunday vaqtda oʻzimni tiyib tura olmadim va koʻzimga yosh keldi, toʻgʻrisi. Imkon qadar tezroq Oʻzbekiston terma jamoasining oʻyiniga tashrif buyurib, ularga muxlislik qilishni kutyapman. Muxlislar tribunasiga kelib, Oʻzbekistonga muxlislik qilmoqchiman. Oʻzbeklarning bunday hurmatiga qanday javob qaytarishni bilmayapman”, degan u.