Kuni kecha Guliston shahridagi "Farovon"  tantanalar saroyida ikki yoshning nikoh to‘yi bo‘lib o‘tdi. Bu to‘yning shukuhi shundaki, Mehribonlik uyining sobiq tarbiyalanuvchisi Sardor Sirojiddinovning endi to‘laqonli oilasi bor.

Shu munosabat bilan Sirdaryo tumani hokimligi, idora va tashkilotlar tomonidan to‘y dasturxoni yozildi. Viloyat hokimining o‘rinbosari Otabek Nosirov ikki yoshga baxt tiladi hamda hokim nomidan esdalik sovg‘alarini topshirdi.

Bir muddat avval viloyat hokimi Gʻofurjon Mirzayev Sardorbekka "Xovos siti" massividan ikki xonali uy topshirgan edi.