Respublika Maʼnaviyat va maʼrifat markazi qator tashkilotlar bilan hamkorlikda “Salom Vatandosh” megaloyiha dasturi doirasida “Yangi Oʻzbekistonga qanot boʻlamiz!” ijodiy videoroliklar tanlovini eʼlon qilgan edi.

Bunda g‘oliblikka da’vogarlar –

– Vatanparvarlik va insonparvarlik gʻoyasini targʻib qilish;

– Burch va sadoqatni namoyon etish;

– Vatanparvarlikka sohaviy yondashuv;

– Vatanim mening nigohimda;

– Yangi Oʻzbekiston fenomeni yoshlar nigohida

kabi mavzularda videoroliklar suratga olish kerak edi.

Videolarni baholashda mavzuning mazmun-mohiyati ochib berilgani, videorolikda tasvir, ovoz va montaj ishining sifati, muallifning videorolikni yaratishdagi o‘ziga xos ijodiy innovatsion yangicha yondashuvi, ishning plagiat emasligi, milliylikni zamonaviy ko‘rinishda targ‘ib qiluvchi, etika-estetika tomonlariga alohida ahamiyat qaratildi.

Shuningdek, videorolik barcha toifadagi foydalanuvchilar uchun mo‘ljallangan bo‘lishi, videorolikda ma’naviy-axloqiy qadriyatlarga zid bo‘lgan tasvir yoki mazmun aks ettirilmasligiga ham e’tiborga olindi.

Tanlov doirasida tanlovning telegram botiga jami 150 ga yaqin ijodiy ish yuborildi. Hakamlar hay’ati videoroliklarni ko‘rib chiqib, quyidagi g‘oliblar aniqlandi:

1-o‘rin – Teshayev Nozimjon Nasimovich (Buxoro viloyati)

2-o‘rin – Ne’madova Rohila No‘monjon qizi (Namangan viloyati)

3-o‘rin – Mehmonov Xushnudbek Hasanboy o‘g‘li (Namangan viloyati)

Sovrindorlar Iphone 15 Pro Max (1-o‘rin), noutbuk (2-oʻrin) va planshet (3-o‘rin) bilan taqdirlandi.