Oliy taʼlim muassasalarining 2024-2025-yilgi bakalavr bosqichi uchun kirish imtihonlarining yakuniy tanlov natijalari eʼlon qilindi.

Mandat koʻrsatgichlarini quyidagi 4 usulda bilish mumkin:

1. my.uzbmb.uz sayti orqali – my.uzbmb.uz saytiga abituriyentning pasport seriyasi va raqami hamda shaxsiy identifikatsiya raqamini kiritgan holda;

2. mandat.uzbmb.uz sayti orqali – mandat.uzbmb.uz saytiga abituriyentning ID raqamini kiritgan holda;

3. SMS-xabarnoma xizmati orqali – 5100 raqamiga abituriyentning ID raqami yuborilganda, telefon raqamiga tanlov natijalari boʻyicha SMS-xabarnoma keladi (bu pulli xizmat sanaladi);

4. Test natijalari qaydnomasi orqali – test natijalari qaydnomasi, yaʻni mandat oliy taʻlim muassasalariga ham taqdim etiladi.