Yunon-rum kurashchisi Rustam Assakolov (-97 kg) ham Parij-2024 yozgi Olimpiya oʻyinlarida muvaffaqiyatli start oldi.

Tajribali sportchi 1/8 finalda gonduraslik Kevin Mexiyani magʻlub etib, chorak finalga chiqdi.

Ushbu bosqichda unga armanistonlik Artur Aleksanyan raqiblik qiladi.

Aktenge Keunimjayeva ham Olimpiadadagi ilk bahsini oʻtkazdi.

U ayollar kurashining -50 kg vazn toifasidagi 1/8 finalida ukrainalik Oksana Livach bilan bellashdi.

Bahs Livachning gʻalabasi bilan yakunlandi.

Endi u finalgacha yetib borgan taqdirdagina Aktenge bronza medali uchun kurashish imkonini saqlab qoladi.

Maʼlumot uchun, Aktenge Keunimjayeva ayollar kurashida debyut qilgan ilk oʻzbekistonlik ayol sportchi hisoblanadi.