Ayni vaqtda Oʻzbekistonda oʻrtacha oylik 5 mln 92 ming soʻmni tashkil qiladi.

Statistika agentligining 6 oylik hisobotiga koʻra, respublika boʻyicha oʻrtacha oylik ish haqi miqdori 17,4 foizga oshgan (2023-yilda 4 mln 337 ming soʻm).

Hududlar kesimida koʻrib chiqilsa, Toshkent shahrida oʻrtacha oylik miqdori boshqa joylarga qaraganda sezilarli darajada koʻproq – 8 mln 450 ming soʻm.

Keyingi oʻrinlarda Navoiy (6 mln 601 ming soʻm) va Toshkent (4 mln 917 ming soʻm) viloyatlari qayd etilgan.

Oʻrtacha oylik ish haqini hisoblashda jami 3 mln nafardan ortiq xodimning maʼlumotlaridan foydalanilgan.

Oʻrtacha oylik ish haqining soha va tarmoq boʻyicha miqdorlari quyidagicha:

▪️ bank, sugʻurta, lizing, kredit va vositachilik faoliyati — 14,4 million soʻm;

▪️ axborot va aloqa — 12,4 million soʻm;

▪️ tashish va saqlash — 7,7 million soʻm;

▪️ sanoat — 6,2 million soʻm;

▪️ savdo — 5,9 million soʻm;

▪️ qurilish — 5,4 million soʻm;

▪️yashash va ovqatlanish xizmatlari — 4,6 million soʻm;

▪️ taʼlim — 3,5 million soʻm;

▪️ sogʻliqni saqlash va ijtimoiy xizmatlar koʻrsatish — 3,3 million soʻm.