Mazkur oʻyinda Timur Kapadze shogirdlari toʻliq oq libosda, darvozabon esa qora libosda harakatlanadi.

Bugun, 24-iyul kuni Oʻzbekiston U-23 terma jamoasi Parij Olimpiadasidagi ishtirokini Ispaniyaga qarshi oʻyin bilan boshlaydi.

Uchrashuvni afrikalik hakamlar brigadasi boshqarib boradi.

Hakamlar:

▪️ Beida Dahane (Mavritaniya) – bosh hakam;

▪️ Jerson Santos (Angola) – qanot hakami;

▪️ Stefan Yiyembe (Keniya) – qanot hakami;

▪️ Dryuv Fischerga (Kanada) – 4-rasmiy hakam;

▪️ Lahlo Benbraham (Jazoir) – VAR hakami.

Maʼlumot uchun, Oʻzbekiston – Ispaniya oʻrtasidagi bahs soat 18:00 da (Toshkent vaqti bilan) “Park de Prens” stadionida boshlanadi.

Oldinroq Parij Olimpiadasida Oʻzbekiston delegatsiyasi qaysi sport turlari boʻyicha qatnashishi haqida xabar berilgan edi.