Statistika agentligi maʼlumotlariga koʻra, 2024-yilning 1-aprelida respublikamizning doimiy aholisi 36 mln 963 ming 262 kishini tashkil etgan.

Xabarga koʻra, respublikamizning doimiy aholisi soni oʻtgan yilning mos davri bilan solishtirilganda 2,1 foizga oshgan.

Mamlakatimiz aholisi joriy yil boshidan buyon 163,5 ming kishiga koʻpaygan.

Oylik hisobda esa, aholi soni 2024-yilning har bir oyida oʻrtacha 54,5 ming kishiga ortgan.

Agar buni kunlik hisobga oʻgirsa, har kuni doimiy aholi hajmiga oʻrtacha 1,8 ming nafar odam soni qoʻshilmoqda.