“8-mart – Xalqaro xotin-qizlar kuni” munosabati bilan Aqtauda ayollar uchun jamoat transportida sayohat qilish bepul boʻladi. Bu haqida Zakon.kz xabar berdi.

Xabar joriy yil 4-mart kuni Oqtau shahar hokimligi matbuot xizmati e'lon qilgan ma'lumotga tayanib yozilgan.

“Ayollar uchun 8-mart kuni 1-, 2-, 3-, 4-, 4M-, 5-, 6-, 7-, 8-, 9-yoʻnalishlarda, jadvalga muvofiq (soat 06:40 dan 21:00 gacha) avtobuslar bepul xizmat qiladi”,— deyiladi hokimlik axborotida.

Shuningdek, qoʻshni respublikaning boshqa viloyati Qaragʻandada ham 1-martdan to 8-martga qadar aholining ijtimoiy himoyaga muhtoj qatlamlaridan boʻlgan 21 ming 861 nafar ayolga bir martalik toʻlov puli tarqatiladi. Miqdor shahar va viloyatlarda farq qilishi mumkin. Bu tomoni byudjet imkoniyatlariga bogʻliqligi taʼkidlanadi.