@yoshkitobxon_bot Telegram boti orqali “Yosh kitobxon” tanlovi uchun arizalar qabul qilinadi.

Maʼlum boʻlishicha, arizalarni qabul qilish 1-sentabrga qadar davom etadi.

Xabaringiz bor, tanlovda 3 ta yosh kategoriyalari boʻlib(10-14 yosh, 15-19 yosh, 20-30 yosh), qatnashuvchilar belgilangan adabiyotlarni oʻqib, tanlovga tayyorlanishadi.

Maʼlumot uchun, tanlovning oʻtgan turida bosh sovrin “Cobalt” avtomobili boʻlgan. Shuningdek, 2-oʻrin uchun 50 mln soʻm, 3-oʻrin uchun 30 mln soʻm pul mukofoti berilgan. Undan tashqari, final bosqichiga chiqqan barcha ishtirokchilarga ham 10 mln soʻmdan pul mukofotlari tarqatilgan.