Abdulla Qodiriyning “Oʻtkan kunlar”i romanini ingliz tiliga tarjima qilgan tarjimon Mark Ris Oʻtkir Hoshimov qalamiga mansub “Dunyoning ishlari” asarining xorij tilidagi nashri ham chop etilish arafasida ekanini maʼlum qilgan.

Tarjimonning yozishicha, kitob joriy yilning 31-mart sanasidan boshlab chop etiladi. Tarjima asarni Nyu-York metrosida reklama qilish rejalashtirilgan. Kitobni imzolash esa aprel oyida Nyu-York shahrida boʻlib oʻtadi.

Shuningdek, Ris kitobga oʻz hissasini qoʻshganlarni ham eslab oʻtgan. Ular orasida Dildora Shamuratova (rassom), Jon Campion (muharrir), Gulnoza Ismailova (muharrir), Munira Norova (muharrir), Jahongir Azimov (muharrir), Abdullo Roʻziyev (tarjimon) va Mark Ris (tarjimon).