Savdo-sanoat palatasi raisining birinchi oʻrinbosari Islom Jasimov 66 yoshida vafot etdi. Bu haqda palata axborot xizmati xabar berdi.

Islom Jasimov 1957-yil 24 martda Toshkent viloyatida tugʻilgan.

1986-2017-yillar davomida prokuratura organlari tizimida faoliyat koʻrsatgan.

1993-yilda “Oʻzbekiston Respublikasi faxriy yorligʻi”, 2001-yilda “Shuhrat” medali va 2017-yilda “Doʻstlik” ordeni davlat mukofotlari hamda 2020 yilda – qonun ustuvorligini mustahkamlashga qoʻshgan hissasi uchun “MDH Bosh prokurorlari muvofiqlashtiruvchi kengashining 25 yilligi” medali bilan taqdirlangan.