Ayni vaqtda Zangiota 1-son yuqumli kasalliklar shifoxonasida qancha bemor bola va homilador ayol davolanayotgani haqida xabar berildi.

“Bugungi kunda shifoxonamizda 7 nafar chaqaloq, 18 yoshgacha boʻlgan 97 nafar bola davolanmoqda. Jonlantirish boʻlimlarida 2 nafar bemor bola shifokor va hamshiralarning nazorati ostida davo muolajalarini olmoqda”, - degan shifoxona direktori oʻrinbosari Hilola Alimova.

Shifokorga koʻra, bemorlar orasida 64 nafar homilador ayol ham boʻlib, ayni kunda ularning 3 nafari reanimatsiya boʻlimida davolanmoqda. Joriy yil boshidan buyon shifoxonada 422 nafar chaqaloq dunyoga kelgan.