Oʻzbekiston Respublikasi Prezidenti tomonidan ilgari surilgan “Yashil makon” umummilliy loyihasi doirasida yurtimiz boʻylab “Dolzarb 40 kunlik” tadbirlari oʻtkazilmoqda.

Respublika Maʼnaviyat va maʼrifat markazi Toshkent shahar boʻlimi hamda hududiy boʻlinmalari loyiha doirasida dastlabki kunlardan faol ishtirok eta boshladi. Jumladan, Toshkent shahar Mirobod tumani “Bayot” MFYda 160 tup mevali daraxtlar koʻchatlari ekilib, “Maʼnaviyat bogʻi” tashkil etildi. Kun davomida kitobxonlik viktorinalari va turli koʻngilochar tanlovlar oʻtkazilib, ishtirokchilarga 450 dona badiiy kitoblar ulashildi.

Shuningdek, 3-noyabr – Xalqaro nogironlar kuni munosabati bilan koʻrishda nuqsoni bor va ehtiyojmand mahalla ahliga Maʼnaviyat va maʼrifat markazi Toshkent shahar boʻlimi tashabbusi bilan xayriya oshi tarqatildi.