Rossiyadan O‘zbekistonga qaytuvchi fuqarolar uchun maxsus poyezdlar yo‘lga qo‘yildi. Bu haqda Tashqi mehnat migratsiyasi agentligi matbuot xizmati xabar bermoqda.

Qayd etilishicha, O‘zbekistonga qaytish istagida bo‘lgan fuqarolarga pandemiya davrida qulaylik yaratish maqsadida «O‘zbekiston temir yo‘llari» AJ tomonidan «Voljskiy-Toshkent» yo‘nalishida 8 ta maxsus reys rejalashtirilgan.

Poyezdlar 4, 6, 10, 13, 17, 20, 24 va 27 dekabr kunlari soat 20:57 da «Voljskiy-Toshkent» yo‘nalishida harakatini amalga oshiradi.

Ushbu reyslarga faqat bir tomonga, ya’ni Voljskiy-Toshkent yo‘nalishiga chiptalar sotiladi.