Xalq deputatlari Sergeli tumani kengashi qaroriga koʻra, Sergeli tuman hokimi Elbek Shukurovga ustama haqi sifatida 35 mln soʻm miqdorida mablagʻ ajratildi.

Qarorda Toshkent shahar hokimining qator farmoyishlari asosida tuman hokimi Elbek Shukurovning “mehnatda tashabbuskorligini” ragʻbatlantirish maqsadida 2021-yil iyun, iyul, avgust, sentyabr va oktyabr oylari uchun lavozim maoshiga ustama haqi toʻlash uchun 35 mln. soʻm mablagʻni mahalliy byudjetning uchinchi chorak daromadlar rejasini oshirib bajarilgan qismi hisobidan ajratilishi belgilangan.