Joriy yilning 7-18-dekabr kunlari Toshkent shahri Yunusobod tumanida joylashgan “Saxovat sport servis” majmuasida og‘ir atletika sport turi bo‘yicha jahon chempionati hamda 19-21-dekabr kunlari poytaxtimizning “Intercontinental” mehmonxonasida Xalqaro og‘ir atletika federatsiyasining kongressi o‘tkaziladi.  

Ushbu tadbirlar O‘zbekiston Respublikasi Turizm va sport vazirligi, O‘zbekiston Milliy olimpiya qo‘mitasi, O‘zbekiston og‘ir atletika federasiyasi va Toshkent shahar hokimligi bilan hamkorlikda tashkil etilmoqda.

Jahon chempionatida AQSH, Buyuk Britaniya, Fransiya, Germaniya, Argentina, Braziliya, Rossiya, Yaponiya va boshqa davlatlardan sport delegatsiyalari ishtirok etadi. Chempionatning ochilish va yopilish marosimlarida respublikamiz taniqli madaniyat va san’at namoyandalarining dasturiy chiqishlari namoyish qilinadi.