Oʻzbekiston Respublikasi Prezidentining 2020-yilda qabul qilgan “Aholining sogʻlom ovqatlanishini taʼminlash boʻyicha qoʻshimcha chora-tadbirlar toʻgʻrisida”gi qaroriga koʻra, bolalar bir nechta dori turlari bilan bepul taʼminlanadi.

Jumladan, qarorga muvofiq, 2021-yil 1-iyundan:

- 6-23 oylik bolalar uchun uy sharoitida tayyorlangan ovqatlarni boyitish maqsadida mikronutriyent kukuni bilan;

- 6 oylikdan 5 yoshgacha boʻlgan bolalar “A” vitamini bilan;

- 2-10 yoshdagi bolalar gelmintoz profilaktikasi boʻyicha maxsus preparatlar bilan bepul taʼminlanadi.

Shuningdek, 2022-yil 1-iyuldan:

- homilador va bola emizuvchi ayollar hamda 3-15 yoshdagi bolalar yod preparati bilan;

- 35 yoshgacha tugʻish yoshidagi ayollar temir va foliy kislotasi preparati bilan bepul taʼminlanishi koʻzda tutilgan.