Yangi yil bayrami oldidan, 2021-yil dekabr oyida yoʻlovchilarga qulaylik yaratish maqsadida Toshkent–Qoʻngʻirot yoʻnalishida 5604-sonli qoʻshimcha poyezd qatnovi yoʻlga qoʻyiladi, deb xabar bermoqda Toshkent Mintaqaviy temir yoʻl uzeli.

Maʼlum qilinishicha, harakat jadvaliga koʻra poyezd 7, 10, 14, 17, 21, 24-dekabr kunlari soat 23:20 da Toshkent markaziy temir yoʻl vokzalidan jami olti marta qatnov amalga oshiradi.

Poyezd Samarqand, Buxoro temir yoʻl vokzallarida ham toʻxtab oʻtadi.

Chiptalarni temir yoʻl kassalaridan, shuningdek, “Oʻzbekiston temir yoʻllari” aksiyadorlik jamiyati veb-sayti orqali ye-ticket.railway.uz saytidan elektron tarzda ham xarid qilish mumkin.