Oʻzbekistonda xizmat koʻrsatgan artist, “Shuhrat” medali sohibi, taniqli ijodkor, el sevgan suxandon Oʻtkir Siddiqov olamdan oʻtdi.

Oʻtkir Siddiqov 1945-yilda Toshkent shahrida tugʻilgan. Toshkent teatr va rassomchilik sanʼati institutining drama va kino aktyorligi yoʻnalishini tamomlagan.

Oʻtkir Siddiqov boshlovchi sifatida bugungacha 8 mingga yaqin konsert va tadbirlarda qatnashgan. U 250 dan ortiq turli shahar va mamlakatlardagi gastrol safarlarida boshlovchilik qilgan.

U 1996-yilda Oʻzbekistonda xizmat koʻrsatgan artist unvoni, 2017-yilda “Shuhrat” medali bilan taqdirlangan.