Xalq deputatlari Oʻrta Chirchiq tumani Kengashining navbatdan tashqari sessiyasida tuman Kengashining 30-“Uyshun” saylov okrugidan saylangan deputat Feruza Babashevaning deputatlik vakolatini muddatidan ilgari tugatish masalasi koʻrib chiqildi. Bu haqida Oʻrta Chirchiq tumani hokimligi Axborot xizmati xabar bermoqda.

Qayd etilishicha, “Xalq deputatlari viloyat, tuman va shahar kengashi deputatining maqomi toʻgʻrisida”gi Qonunning 3-moddasiga asosan, Feruza Babashevaning deputatlik vakolatlari muddatidan ilgari tugatish toʻgʻrisidagi qarorni sessiyada qatnashgan 24 nafar deputatdan 23 nafari yoqlab ovoz bergan.

Shu boisdan «Sessiya ishida Feruza Babashevaning deputatlik vakolatlari muddatidan ilgari tugatildi», deyiladi xabarda.