Tass axborot agentligining ma'lum qilishicha, Igor Polyanskiy Tokio o'yinlarida triatlon bo'yicha 43-o'rinni egallagan.

Rossiyalik triatlonchi Igor Polyanskiydan olingan doping — test eritropoetin uchun salbiy tahlil natijasini berdi. Bu haqda Xalqaro triatlon federatsiyasi matbuot xizmati xabar berdi deyiladi nashrda.

Test namunasi 21-iyul kuni Vladivostokda rossiyalik sportchilar Tokio Olimpiadasiga tayyorgarlik ko'rayotgan musobaqadan tashqari antidoping nazorati doirasida olingan. Sportchi B namunasini tahlil qilishni so'rash va Sport arbitraj sudi (CAS)ga e'tiroz bildirish huquqiga ega.

Butunjahon antidoping agentligi (WADA) akkreditatsiyasidan o'tgan laboratoriya Xalqaro triatlon federatsiyasiga 5-avgust kuni voqea haqida xabar bergan.

Ma'lumot uchun, Polyanskiy 31 yoshda. U ikki marta xalqaro Olimpiada o'yinlarida ishtirok etgan.