Kecha, 2-dekabr kuni Respublika Ma’naviyat va ma’rifat markazi xodimlari “Yashil makon” umummilliy loyihasi doirasida Yakkasaroy tumani Bobur mahallasida bo‘lishdi.

Markaz rahbari Minhojiddin Hojimatov, "Ma’rifat" targ‘ibotchilari jamiyati a’zolari hamda ziyolilar tomonidan mahallaga 300 dan oshiq manzarali ko‘chatlar ekildi. Shu kunga qadar markazning hududiy bo‘limlari bilan hisoblaganda respublika bo‘yicha jami 4000 dan ziyod ko‘chat ekilgan.

Kelgusida ushbu nihollar daraxtlarga aylangach, “Ma’rifat” bog‘i tashkil etish rejalashtirilgan.