Internet tarmogʻida avtomobil yoʻlining oʻrtasida choʻmilayotgan bolaning tarqalgan videolari yuzasidan Mirzo Ulugʻbek tumani matbuot xizmati munosabat bildirdi.

Qayd qilinishicha, videodagi yigitlar Mirzo Ulugʻbek nomidagi MAFIFIDUM maktabning 17 yoshli oʻquvchilari – T.S. va O.M.lar boʻlib, noodatiy (trend) harakatlarni amalga oshirmoqchi boʻlishgan. Mirzo Ulugʻbek tumani hokimligi Bolalarni himoya qilish masalalari boʻyicha komissiyasida ushbu oʻquvchilar harakatiga qonuniy chora koʻrilgan.

“Oʻzbekiston Respublikasi Maʼmuriy javobgarlik toʻgʻrisidagi kodeksining 47-moddaning 1-qismiga asosan har bir oʻquvchining ota-onasiga jarima jazosi qoʻllanildi”, deyiladi xabarda.