Respublika maxsus komissiyasining yigʻilishida mamlakatimizda epidemiologik vaziyat barqarorligini saqlab qolish va yurtimiz hududiga koronavirus infeksiyasining yangi «omikron» shtammi kirib kelishiga yoʻl qoʻymaslik maqsadida bir qator yangi tartiblar belgilandi.

“Unga koʻra, aholi salomatligini taʼminlash hamda mamlakatimizda epidemiologik vaziyat barqarorligini saqlash maqsadida fuqarolarga yangi 2022-yil bayrami tadbirlarini imkon qadar oila davrasida oʻtkazish tavsiya etildi”, deyiladi Sogʻliqni saqlash vazirligi axborot xizmati tarqatgan xabarda.

Avvalroq Oʻzbekiston koronavirusning “omikron” shtammi sabab 10 ta davlat bilan aviaqatnovlarni vaqtincha toʻxtatishi va 11 mamlakatdan Oʻzbekistonga kelganlar majburiy karantinga olinishi haqida xabar bergan edik.