Navoiy viloyatining Zarafshon shahrida Maʼnaviyat va maʼrifat maskani ochildi. Ochilish marosimida shahar hokimi – shahar Maʼnaviyat va maʼrifat Kengashi raisi Nazirbek Rahmonov, hokim oʻrinbosari Obidjon Hakimov, Respublika Maʼnaviyat va maʼrifat markazi xodimi Tolmas Razzoqov hamda shahar maʼnaviyat Kengashi aʼzolari, yoshlar ishtirok etdi.

Tadbirni shahar Maʼnaviyat va maʼrifat kengashi raisi oʻrinbosari Obidjon Hakimov ochib berdi va soʻzi davomida maʼnaviyatning inson hayotida, har bir davlatning ijtimoiy rivojida qanchalik ahamiyatli ekanligi borasida oʻz fikrlarini bildirib oʻtdi.

Tadbirning rasmiy ochilishidan soʻng maʼrifat targʻibotchilar jamiyati aʼzolari, maʼnaviy-maʼrifiy ishlar boʻyicha direktor oʻrinbosarlari hamda tashrif buyurgan mehmonlar binoda yaratilgan sharoitlar bilan tanishib chiqdi.