C1 darajaga ega professional taʼlim muassasalari va akademik litsey oʻqituvchilariga 50 foiz ustama beriladi.

Oʻzbekiston Oliy taʼlim, fan va innovatsiyalar vazirligining maʼlum qilishicha, vazirlikning Iqtisodiyot va moliya vazirligi bilan qoʻshma qaroriga koʻra, 2023-yil 1-sentabrdan professional taʼlim muassasalar (kasb-hunar maktabi, kollej va texnikum) va akademik litseyning xalqaro tan olingan va milliy baholash tizimida berilgan kamida C1 darajadagi sertifikatlarga ega umumtaʼlim fan oʻqituvchilari bazaviy tarif stavkasiga nisbatan har oylik 50 foiz miqdorda ustama haq toʻlash yoʻlga qoʻyiladi.

Shuningdek, qaror bilan:

• milliy baholash tizimi muvofiq boʻlishi lozim boʻlgan xalqaro standartlar roʻyxati;
•  
• taʼlim sohasida xizmat koʻrsatuvi vakolatli xalqaro tashkilotlar roʻyxati;
•  
• xalqaro tan olingan va milliy baholash tizimida berilgan sertifikatlar (ularning kombinatsiyasi) roʻyxati tasdiqlandi.

Prezidentning 2022-yildagi qaroriga koʻra, maktablarda xalqaro tan olingan sertifikatga ega boʻlgan pedagoglarga 50%, milliy test tizimida olingan sertifikatga ega oʻqituvchilarga 20% ustama toʻlanishi belgilangan.