Toshkentning ayrim hududlarida 15-sentabr kuni elektr energiyasi taʼminoti vaqtincha toʻxtatiladi. Bu haqda “Hududiy elektr tarmoqlari” matbuot xizmati xabar berdi.

Isteʼmolchilarga sifatli va barqaror elektr energiyasi yetkazib berilishini taʼminlash va elektr tarmoqlaridagi avariyaviy holatlarni oldini olish, kuz-qish mavsumiga puxta tayyorgarlik koʻrish maqsadida quyidagi manzillarda elektr taʼminoti vaqtincha oʻchiriladi:

Bektemir tumani — “Gulbogʻ” MFYning ayrim koʻchalarida soat 10:00 dan 17:00 gacha;
Mirobod tumani — “Istiqlolobod” MFYning ayrim koʻchalarida soat 10:00 dan 17:00 gacha.

Taʼmirlash ishlari belgilangan vaqtdan avvalroq yakunlanishi mumkinligi ham qoʻshimcha qilingan.

Bundan tashqari, kuz-qish mavsumiga tayyorgarlik ishlari doirasida bugun, 15-sentabr kuni Olmazor tumanining “Xislat” mahallasida 10:00 dan 17:00 gacha gaz taʼminoti toʻxtatiladi.