Markaziy bank Boshqaruvining bugun, 14-sentabrdagi navbatdagi yigʻilishida asosiy stavkani yillik 14 foiz darajasida oʻzgarishsiz qoldirish toʻgʻrisida qaror qabul qilindi.

“Markaziy bank asosiy stavkasining oʻzgarishsiz qolishi va uning pul bozoriga transmissiyasi, qisqa muddatli likvidlik narxining real hisobda 3-4 foizlik ijobiy darajada shakllanishiga va shu orqali “nisbatan qatʼiy” pul-kredit sharoitlarini taʼminlashga xizmat qilmoqda”, – deyiladi MBning izohida.

Maʼlumot uchun, Markaziy bank Boshqaruvining asosiy stavkani koʻrib chiqish boʻyicha navbatdagi yigʻilishi 2023-yil 26-oktabrga belgilangan.