Begisbay Temirbayev Qoraqalpogʻiston Respublikasi madaniyat vaziri lavozimiga tayinlandi. Bu haqda Joʻqorgʻi Kenges matbuot xizmati xabar berdi.

Tayinlov Qoraqalpogʻiston Respublikasi Joʻqorgʻi Kenges raisining madaniyat sohasi xodimlari vakillari bilan uchrashuvida maʼlum qilingani xabar qilinmoqda.

Bagisbay Temirbayev mazkur tayinlovga qadar “Ayqulash” qoraqalpoq milliy folklor ansambli direktori sifatida faoliyat yuritib kelayotgan edi.

Avvalroq Qoraqalpogʻiston Respublikasining Amudaryo tumaniga yangi hokim tayinlangandi.