Toshkentning ayrim hududlarida 13-sentabr kuni elektr taʼminoti vaqtincha toʻxtatiladi.

“Hududiy elektr tarmoqlari” xabariga koʻra, isteʼmolchilarga sifatli va barqaror elektr energiyasining yetkazib berilishini taʼminlash va elektr tarmoqlaridagi avariyaviy holatlarning oldini olish, kuz-qish mavsumiga puxta tayyorgarlik koʻrish maqsadida 13-sentabr kuni quyidagi manzillarda elektr taʼminoti vaqtincha oʻchiriladi:

Yashnobod tumani — “Tovkentepa” MFYning ayrim koʻchalarida soat 10:00 dan 15:00 gacha;
Mirobod tumani — “Oybek” MFYning ayrim koʻchalarida soat 09:00 dan 16:00 gacha.
Olmazor tumani — “Chuqursoy”, “Paxta” va “Qichqiriq” MFYning ayrim koʻchalarida soat 10:00 dan 17:00 gacha.

Yuqoridagi hududlarda taʼmirlash ishlari belgilangan vaqtdan avvalroq yakunlanishi mumkinligi ham aytilgan.