Tashabbusli budjet amaliyotini va mahallalarning moliyaviy mustaqilligini yanada kengaytirish maqsadida 2024-yilda jamoatchilik fikri asosida shakllantiriladigan loyihalarni moliyalashtirish uchun Davlat budjetidan 10 trillion soʻm ajratiladi.

Bu haqda joriy yil 11-sentabr kuni imzolangan “Oʻzbekiston – 2030” strategiyasini 2023-yilda sifatli va oʻz vaqtida amalga oshirish chora-tadbirlari toʻgʻrisida”gi Prezident qarorida belgilab qoʻyildi.

Shundan “Obod qishloq” va “Obod mahalla” dasturlari uchun kamida 4 trillion soʻm yoʻnaltiriladi.

Joriy yilgi “Tashabbusli budjet” loyihasining 1-mavsumida gʻolib boʻlgan jami 1666 ta loyiha uchun 1,6 trln soʻmga yaqin, 2 mavsum gʻoliblari uchun esa tuman (shahar) byudjetlari hisobidan 1 trln soʻmdan ortiq mablagʻ yoʻnaltirilishi aytilgan edi.