Toshkent shahrining Yakkasaroy va Mirobod tumanlarining ayrim hududlarida 12-sentabr kuni elektr taʼminoti vaqtincha toʻxtatildi. Bu haqda “Hududiy elektr tarmoqlari” AJ Toshkent shahar filiali axborot xizmati xabar berdi.

Unga koʻra, isteʼmolchilarga sifatli va barqaror elektr energiyasi yetkazib berilishini taʼminlash va elektr tarmoqlaridagi avariyaviy holatlarni oldini olish, kuz-qish mavsumiga puxta tayyorgarlik koʻrish maqsadida quyidagi manzillarda elektr taʼminoti vaqtincha oʻchirildi:

Yakkasaroy tumani: “Damariq” MFYning ayrim koʻchalarida soat 09:00 dan 15:00 gacha;
Mirobod tumani: “Oybek” MFYning ayrim koʻchalarida soat 09:00 dan 16:00 gacha.

“Hududiy elektr tarmoqlari” AJ Toshkent shahar filiali mazkur taʼmirlash ishlari tufayli elektr taʼminotidagi vaqtincha uzilishlar sababli yetkazilayotgan noqulayliklar uchun ushbu hududlarda yashovchi isteʼmolchilardan uzr soʻragan.