Sherzod Rahmonov Narpay tumani hokimi lavozimiga tasdiqlandi. Bu haqda Samarqand viloyati hokimligi axborot xizmati xabar berdi.

11-sentabr kuni Narpay tumanida boʻlib oʻtgan sessiya ishida Samarqand viloyati hokimi Erkinjon Turdimov soʻzga chiqib, tumanda olib borilayotgan ishlar, sektor rahbarlari va tuman tashkilotlari rahbarlari oldida turgan navbatdagi vazifalarga toʻxtalib oʻtgan.

Sessiyada deputatlar tomonidan tuman hokimi vazifasini bajaruvchi sifatida faoliyat olib borayotgan Sherzod Rahmonov Narpay tumani hokimi lavozimiga tasdiqlangan.

Shuningdek, Jamshid Nasriddinov Kattaqoʻrgʻon tumani hokimi lavozimiga tasdiqlandi. Kattaqoʻrgʻon tumanida boʻlib oʻtgan sessiya ishida deputatlar tomonidan Kattaqoʻrgʻon tumani hokimi vazifasini bajaruvchi sifatida faoliyat olib borayotgan Jamshid Nasriddinov Kattaqoʻrgʻon tumani hokimi lavozimiga tasdiqlangan.