Oʻzbekiston Togʻli Qorabogʻda joriy yilning 9-sentyabrda oʻtkazilgan qoʻshtirnoq ichidagi prezident saylovlarini tan olmaydi, deya bayonot bermoqda Tashqi ishlar vazirligi.
 

“Oʻzbekiston Respublikasi doʻst Ozarbayjon Respublikasining suvereniteti va hududiy yaxlitligini qatʼiy qoʻllab-quvvatlaydi, uning ichki ishlariga har qanday aralashuvni qoralaydi va Qorabogʻda oʻtkazilgan qoʻshtirnoq ichidagi prezident saylovlarini tan olmaydi”, — deyiladi bayonotda.
 

Maʼlumot uchun, 9-sentyabr kuni Togʻli Qorabogʻ milliy assambleyasi (parlamenti) Samvel Shahramanyanni tan olinmagan respublikaning yangi prezidenti etib saylangan edi. Yigʻilishda 22 deputat uning nomzodini yoqlagan boʻlsa, bir nafari qarshi ovoz bergan.