Joriy yilning 12—17-sentabr kuni Shimoliy yarim shar (ekvatordan shimolda joylashgan hududlar) aholisi har 437 yilda bir marta Yer atrofidan uchib oʻtuvchi kometani kuzatishi mumkin boʻladi.

The Guardianga koʻra, Nishimura nomli kometa bir oy oldin olimlar tomonidan aniqlangan. Olimlar qulay ob-havo sharoitida osmon jismini oddiy koʻz bilan koʻrish mumkinligini qayd etgan.

Nishimura kometasi 17-sentabr kuni Yerdan 125 million kilometr uzoqlikda uchib oʻtadi. Maʼlumotlarga koʻra, keyingi safar kometani 2460-yilda koʻrish mumkin.