Shanba va yakshanba kunlari Oʻzbekistonning katta qismida issiq va quruq ob-havo boʻladi, deya xabar qildi Oʻzgidromet xizmati agentligi.

Juma kunining birinchi yarmida respublikaning markaziy hududlarida bulutli boʻladi, baʼzida havo bulutlardan ochilishi saqlanib turadi, ayrim joylarda biroz yomgʻir yogʻadi.

Respublikaning qolgan hududlarida quyoshli ob-havo boʻlishi kutilmoqda. Havo harorati +27…+32 daraja atrofida, janubda va choʻl hududlarda +35…+37 darajagacha boʻladi.

Havo harorati shanba kuni +30…+35 daraja, yakshanba kuni +32…+37 daraja, janubda va choʻl hududlarda +39 darajagacha boʻladi.

Dam olish kunlari shimoli-gʻarbiy hududlarda ob-havo yomonlashishi kutilmoqda. Qoraqalpogʻiston Respublikasi, Xorazm viloyatida va Navoiy viloyatining shimolida vaqti-vaqti bilan yomgʻir yogʻadi, momaqaldiroq boʻlishi mumkin. Baʼzi joylarda shamol tezligi 15−20 m/s gacha kuchayishi kutilmoqda. Havo harorati +22…+27 darajagacha pasayadi.

Poytaxtda 8-sentabrda bulutli boʻladi, baʼzida havo bulutlardan ochiladi, kunning birinchi yarmida biroz yomgʻir yogʻishi mumkin. Shamol sharqdan 5−10 m/s tezlikda esadi, 12−14 m/s gacha kuchayishi mumkin. Harorat +30…+32 daraja boʻladi.

Dam olish kunlari havo asosan biroz bulutli boʻladi, yogʻingarchilik kutilmaydi. Harorat shanba kuni +30…+32 daraja, yakshanba kuni +35…+37 daraja boʻladi.