Samarqand viloyati hokimi Erkinjon Turdimovning qaroriga koʻra, 6-sentabrdan boshlab Samarqand shahar jamoat transportlarida yoʻlkira narxlari oʻzgardi.

Qayd etilishicha, endilikda yoʻlovchilar shahar hududida yoʻlovchi transporti – avtobus, elektrobus va tramvaylarda qatnovni amalga oshirish uchun naqd pul va bank kartalari orqali amalga oshirilganda 2 ming soʻmni, transport kartalari (ATTO) orqali amalga oshirilganida esa 1600 soʻm qilib belgilandi.

Shuningdek, aholi, pensioner va nogironlar, talaba va oʻquvchilar hamda jamoat transportidan bepul foydalanish huquqiga ega shaxslar uchun alohida tariflar belgilandi.

Bundan tashqari, bir soat ichida bir yoʻnalishdagi transportdan boshqasiga oʻtishlar soniga qarab chegirmalardan foydalanishni nazarda tutuvchi moslashuvchan tariflarni ham joriy etiladi.