Respublika Maʼnaviyat va maʼrifat markazi Davlat xavfsizlik xizmati Chegara qoʻshinlari bilan hamkorlikda chegaraoldi mahallalarda yashovchi yoshlarning turli yot gʻoyalar girdobiga tushib qolishini oldini olish, ularni vatanga muhabbat, milliy va umuminsoniy qadriyat hamda anʼanalarga hurmat ruhida tarbiya topishiga koʻmaklashish maqsadida “Vatan ostonasi” shiori ostida festival oʻtkazib kelmoqda.

Mazkur festival “Maʼrifat” targʻibotchilar jamiyati aʼzolari, teatr aktyorlari, shoir va yozuvchilar, olimlar va sanʼatkorlardan iborat ijodiy guruh ishtirokida koʻtarinki ruhda oʻtkazilishi maqsad qilingan.

Bugun, 7-sentabr kuni ijodiy guruh Nukus xalqaro aeroportida kutib olindi. Festival boshlanishi oldidan mehmonlar harbiy xizmat chogʻida vatan tinchligi yoʻlida jon fido etgan DXX Chegara qoʻshinlari harbiy xizmatchilari xotirasini yod etishdi. Soʻngra ijodiy guruh Qoraqalpogʻiston Respublikasining olis Qoʻngʻirot tumani tomon yoʻl olishdi.