Ukraina Oliy Radasi yangi mudofaa vaziri etib Umerov Rustem Enverovichni tayinladi.

Rustem Umerov – kelib chiqishi musulmon qrim-tatar boʻlgan ukrainalik tadbirkor. Uning oilasi 1944-yilda Qrimdan Markaziy Osiyoga koʻchirib yuborilgan. Umerov 1982-yil Samarqand viloyatining Bulungʻur tumanida tugʻilgan. 1980-yillar oxirida qrim-tatarlarni vataniga qaytarish boshlanganida, Umerovlar oilasi Qrimga qaytishga muvaffaq boʻlgan.

U “Qrim tatarlari jamiyati” jamoat tashkilotining asoschilaridan biri, shuningdek, qrim-tatar xalqi yetakchisi Mustafo Jemilevning maslahatchisi boʻlgan. 2019-yilda Umerov Oliy Rada deputati boʻldi. U 2022-yildan beri Ukraina Davlat mulki jamgʻarmasini boshqarib keladi.