Toshkentdagi “Imom at-Termiziy” jome masjidiga Yahyo Abdurahmonov imom-xatib etib tayinlandi. Bu haqda O‘zbekiston musulmonlari idorasi xabar berdi.

Ma’lum qilinishicha, 6-sentabr kuni Toshkent shahar bosh imom-xatibi Abduqahhor Yunusov mazkur masjidga tashrif buyurib, namozxonlarga yangi imomni tanishtirdi.

Yahyo domla Abdurahmonov bunga qadar Olmazor tumanidagi “Imom al-Buxoriy” masjidi imomi bo‘lib ishlab kelgan.

Eslatib o‘tamiz, “Imom at-Termiziy” jome masjidining avvalgi imomi Is’hoqjon Begmatov lavozimidan olingandi.