Qoraqalpogʻistonning Ellikqalʼa tumanida 13 yoshli qizni qoʻshni erkak zoʻrlagani aytilmoqda. Holat yuzasidan respublika prokuraturasi munosabat bildirdi.

Tumanning “Amirobod” OFYsida yashovchi fuqaro M.Z. 30-avgust kuni tuman IIBga murojaat qilgan. Unda 2010-yilda tugʻilgan voyaga yetmagan nevarasi T.S.ni qoʻshnisi Z.Sh. qoʻrqitish va zoʻrlik ishlatish orqali nomusiga tekkanini bildirgan.

Sud tibbiyot ekspertizasining 5-sentyabrdagi xulosasi va tergovga qadar tekshiruvda toʻplangan ish hujjatlari inobatga olinib, gumonlanuvchiga nisbatan Jinoyat kodeksining 118-moddasi 4-qismi (14 yoshga toʻlmagan shaxsning nomusiga tegish), 119-moddasi 4-qismi (14 yoshga toʻlmagan shaxsga nisbatan jinsiy ehtiyojni zoʻrlik ishlatib gʻayritabiiy usulda qondirish) bilan jinoyat ishi qoʻzgʻatilgan. U JPKning 221-moddasi tartibida ushlangan.

Tergovning har tomonlama toʻla va xolisona oʻtkazilishi Qoraqalpogʻiston prokurori tomonidan nazoratga olindi, deyiladi xabarda.