Guliston shahar hokimining yoshlar siyosati, ijtimoiy rivojlantirish va maʼnaviy-maʼrifiy ishlar boʻyicha oʻrinbosari oilaviy bolalar uyini tashkil qildi. Bu haqida Sirdaryo viloyati hokimligi axborot xizmati xabar bermoqda.

Qayd qilinishicha, hokim oʻrinbosari Lazizbek Axmedov va uning rafiqasi Guliston shahridagi “Bolalar shaharchasi”dan 4 nafar oʻgʻil va 2 nafar qizni tarbiyalariga olib, “Yangi Oʻzbekiston bolalari” nomli oilaviy bolalar uyini tashkil etgan.

Shuningdek, oilaning uch oʻgʻil va bir qizi boʻlib, oʻgʻillari maktabda, qizi esa maktabgacha taʼlim tashkilotida tahsil olmoqda, - deyiladi xabarda.