Bu haqida Prezident rahbarligida oʻtkazilgan videoselektorda maʼlum qilindi.

Yigʻilishda qayd etilishicha, pedagogika yoʻnalishidagi oliygohlar alohida yondashuv asosida rivojlantiriladi.

Buning uchun Oliy taʼlim vazirligida pedagogik taʼlimga masʼul vazirning birinchi oʻrinbosari lavozimi kiritiladi.

Vazirlikda pedagogik taʼlim boʻyicha alohida Kengash tuzilib, unga pedagogika oliygohlari rektorlari kiritiladi.

Toshkent va Chirchiqdagi pedagogika universitetlarida oʻqituvchilar Prezident maktabi dasturi asosida tayyorlanadi. Bu oliygohlar pedagogika yoʻnalishidagi institutlar uchun “tayanch oliygoh” boʻladi.